Qytaı qorǵanys salasyna bólinetin qarajatty ulǵaıtpaq

BEIJІŃ. QazAqparat – Qytaı bıligi 2023 jyly ulttyq qorǵanys shyǵynyn 7,2%-ǵa, 1 553 trln ıýanǵa (shamamen $224 mlrd) deıin arttyrýdy josparlap otyr, dep habarlaıdy QazAqparattyń Qytaıdaǵy menshikti tilshisi.

«Ulttyq qorǵanys salasynyń shyǵyny 1 553 trln ıýanǵa jetip, ósim 7,2% bolady», - delingen Qytaıdyń bıýdjet baıandamasynda.
2022 jyly QHR qorǵanys bıýdjeti 7,1%-ǵa, 1 451 trln ıýanǵa deıin, al 2021 jyly 6,8%-ǵa, ıaǵnı 1 356 trln ıýanǵa artqan bolatyn. Oǵan qosa 2023 jyly qoǵamdyq qaýipsizdikti qamtamasyz etý shyǵyny 6,4%-ǵa, 208 972 mlrd-qa kóbeıedi.
Sondaı-aq bıyl bilim berý shyǵyny 2%-ǵa artyp, 155 479 mlrd ıýan bolsa, ǵylym men tehnıka shyǵyny 2%-ǵa ósip, 328 034 mlrd ıýandi quraıdy. Astyq, maı jáne basqa da materıaldy resýrstar qoryn jasaýǵa 132 878 mlrd ıýan bólinedi, ósim - 13,6%; boryshtyq mindettemeler boıynsha paıyzdardy tóleýge arnalǵan shyǵys – 723 mlrd ıýan bolady, ol byltyrǵy jyldyń kórsetkishimen salystyrǵanda 10,8%-ǵa artyq.
Beıjińde jeksenbi kúni Jalpyqytaılyq halyq ókilderi jıyny (QHR parlamenti) 14-shaqyrylymnyń birinshi sessııasy ashyldy. Ol 13 naýryzǵa deıin jalǵasady.