Qytaı kezekti zymyran tasyǵyshyn ǵaryshqa sátti ushyrdy

TsZıÝTsıÝANЬ. Sınhýa – QazAqparat – Sársenbi kúni Qytaıdyń soltústik-batysynda Tszıýtsıýan ǵarysh aılaǵynda «Chjýtsıýe-2» jańa zymyran tasyǵyshy sátti ushyryldy, dep habarlaıdy QazAqparat Sınhýa agenttigine siltememen.

Eske sala keteıik, buǵan deıin Qytaı eki Tianhui-6 qashyqtan zondylaý spýtnıgin orbıtaǵa shyǵarǵan edi.

Spýtnıkter Qytaıdyń soltústigindegi Taııýan ǵarysh aılaǵynan «Chanchjen-4S» zymyran-tasyǵyshynyń kómegimen ushyrylǵan.

Ol - osy serııadaǵy 465-shi zymyran-tasyǵysh.

Tianhui-6 spýtnıkteri geografııalyq aqparatty kartografııalaý, tabıǵat resýrstaryn sanaý men ǵylymı tájirıbe júrgizýge paıdalanylady.

Bıylǵy 2023 jyl - Qytaı ǵarysh salasy úshin jemisti jyl bolmaq. Ǵaryshqa ushqan spýtnık sany boıynsha Qytaı kóshbasshylyǵy qalypty jaǵdaıǵa aınaldy.

Qytaı aeroǵarysh ǵylymy jáne tehnologııasy korporatsııasy bıyl ǵaryshqa 200 ǵarysh apparatyn jiberý úshin 70-ke jýyq ushyrý uıymdastyrýdy josparlap otyr.

Sol arqyly ulttyq kosmonavtıka tarıhyndaǵy rekordyn jańartady.

Sondaı-aq qytaılyq «Tıanchjoý-6» júk kemesi «Tıangýn» orbıtalyq ǵarysh stantsııasymen sátti túıisti. Bul týraly Qytaıdyń ǵaryshqa ushý baǵdarlamalary basqarmasy málimdedi.

Júk kemesi stantsııaǵa otyn, azyq-túlik, tájirıbe jasaýǵa arnalǵan materıaldar men basqa da kerek-jaraqty jetkizgen.