Qytaı qazaqtary «Qara jorǵany» QHR-dyń 24 aımaǵynda bıledi

BEIJІŃ. QazAqparat - Qytaıdaǵy qazaq stýdentteri birlestiginiń belsendileri Qazaq handyǵynyń 550 jyldyǵyna oraı «Qara jorǵa» bıin Qytaıdyń 24 aımaǵynda oryndap, qazaqstandyqtar úshin quttyqtaý beınebaıanyn daıyndady.

«Qazaqstan Prezıdenti Nursultan Nazarbaev 2015 jyldy Qazaq handyǵynyń 550 jyldyǵyn merekeleý jyly dep jarııalady. Ony estigen kezde, daıyndyqqa kirisip kettik, sáýirden bastap qazanǵa deıin 24 aımaqqa baryp, barlyǵynda «Qara jorǵa» ulttyq bıin oryndap, túsirdik. Bul bizdiń Qazaqstandaǵy otandastyrymyzǵa syılyǵymyz ári Qazaqstannyń tarıhy men mádenıetine qurmet kórsetýimiz», - dedi «QazAqparat» tilshisine bergen suhbatynda Qytaıdaǵy qazaq stýdentteri birlestiginiń orynbasary, Hýaıbeı qalasy (Anhoı provıntsııasy) halyqaralyq saıasat zertteýleri ortalyǵynyń stýdenti jáne taǵylymgeri Jiger Qabınuly.

Onyń aıtýynsha, beınebaıannyń túsirilýin uıymdastyrýǵa Qytaıdaǵy qazaq stýdentteri birlestiginiń 3 myńǵa jýyq múshesi qatysqan. «Qara jorǵa» bıi tek Shyńjań-Uıǵyr avtonomdyq okrýginde ǵana emes, Henan, Tszıansý, Anhoı, Chjetszıan, Sychýan, Tsınhaı, Gansý, Gýandýn, taýdaǵy Tıbet avtonomdyq aýdanynda jáne QHR-nyń basqa da aımaqtarynda oryndalǵan. Beıjińde Jiger Qabınuly Tıananmen alańy men Uly Qytaı qorǵanynda bıledi.