Qytaı qazaqstandyq arpa men júgeri kásiporyndaryn teksermek

ASTANA. QazAqparat - Qytaı qazaqstandyq arpa men júgeri kásiporyndaryn teksermek. Bul týraly «Bir beldeý - bir jol» bastamasynyń 5 jyldyǵyna arnalǵan Qazaqstan-Qytaı bıznes forýmynda QR Syrtqy saýda palatasy tóraǵasynyń orynbasary Nuraly Bókeıhanov aıtty, dep habarlaıdy QazAqparat tilshisi.

Onyń aıtýynsha, qazirgi ýaqytta Qazaqstanda shyǵarylatyn aýyl sharýashylyǵy taýarlary ónimderiniń kóptegen túrin Qytaıda satýǵa ruqsat etilgen. Olardyń qatarynda muzdatylǵan sıyr, qoı eti, ósimdik ónimderi, kondıterlik ónimder, óńdeý ónerkásibi ónimderi bar.

«Qazirgi ýaqytta Qazaqstanǵa qytaı ınspektsııasy kelýde. Olar arpa men júgeri óndiretin 18 kásiporynǵa tekserý júrgizedi. Sonyń nátıjesinde jyldyń sońyna deıin atalǵan kásiporyndarǵa Qytaı naryǵyna shyǵýǵa ruqsat beriledi dep oılaımyz. Sonymen qatar qyrkúıek aıynyń sońynda keıin iri qara mal soıatyn oryndarǵa qaıtadan tekserý júrgiziledi dep kútip otyrmyz. Sodan keıin taǵy da birneshe kásiporyn taýarlaryn Qytaı naryǵyna shyǵarýǵa múmkindik alady», - dedi Nuraly Bókeıhanov.

Onyń aıtýynsha, ótken jyldyń qorytyndysy boıynsha Qazaqstannyń Qytaıǵa eksporty 5 mlrd 600 mln dollardan asyp jyǵylǵan. Al Qytaıdan keletin ımport 4 mlrd 492 mln dollardy quraǵan.