Qytaı qaıta paıdalanýǵa bolatyn sýborbıtalyq zymyran tasyǵyshty synaqtan ótkizdi

BEIJІŃ. QazAqparat – Qytaı qaıta paıdalanýǵa bolatyn sýborbıtalyq zymyran tasyǵyshty alǵash ret sátti ushyryp, synaqtan ótkizdi, dep habarlaıdy QazAqparat menshikti tilshisi Qytaı aeroǵaryshtyq ǵylym jáne tehnıka korporatsııasynyń (CASC) málimdemesine silteme jasap.

«Qaıta paıdalanýǵa bolatyn sýborbıtalyq tasymaldaǵysh sátti ushyryldy. Bul qaıta paıdalanýǵa bolatyn «Ǵarysh-Jer» tasymaldaý tehnologııasynyń berik negizin qalady», - dep túsindirdi CASC.

Tasymaldaýshy Tszıýtsıýan (Soltústik-Batys Qytaı) ǵarysh aılaǵynan ushyryldy. Sýborbıtalyq ushyrylymnan keıin apparat Іshki Mońǵolııa avtonomııalyq aımaǵynda ornalasqan áýejaıǵa qondy.

Jergilikti BAQ jazǵandaı, qaıta paıdalanýǵa bolatyn sýborbıtalyq qurylǵylar ǵaryshtyq ushaqtardy jasaý jáne qurý salasyndaǵy zertteýlerdi jedeldetýde úlken mańyzǵa ıe. Budan basqa, mundaı apparattardy ǵaryshtyq týrızmdi, sondaı-aq qyzmetkerler men júkterdi qurlyqaralyq jyldam tasymaldaý úshin paıdalanýǵa bolady.

Foto: www.spacechina.com