Qytaı ǵaryshqa «Beıdoý» navıgatsııalyq júıesiniń kezekti jerserigin ushyrdy
08:31, 13 Maýsym 2016
ASTANA. QazAqparat - Qytaı «Beıdoý» ulttyq navıgatsııalyq júıesiniń 23-shi jerserigin sátti ushyrdy. Bul týraly eldiń «Sınhýa» agenttigi habarlady.
Ushyrylym Sıchan (Qytaıdyń ońtústik-shyǵysy, Sychýan provınıtsııasy) ǵarysh aılaǵynan júzege asyryldy. Apparatty «Chanchjen-3-sı» (Long March-3C) zymyran tasyǵyshy alyp ushty.
«Beıdoý» - óńirlik navıgatsııalyq jerserikter júıesi, ony Qytaı 2000 jyly qolǵa alǵan. Qazirgi ýaqytta orbıtaǵa 23 jerserik shyǵaryldy. Olar QHR aýmaǵyn jáne kórshi elder men Azııa-Tynyqmuhıt aımaǵy aýdandaryndaǵy geografııalyq koordınattardy anyqtaýǵa múmkindik beredi.
Qytaı osy baǵyttaǵy jerserikterin 2020 jylǵa qaraı 35 apparatqa jetkizýdi kózdep otyr.