Qytaı ǵalymdary adam júreginen mıkroplastık tapty
Mıkroplastık - 5 mıllımetrge jetpeıtin nemese qaryndashqa arnalǵan óshirgishtiń ólshemine jýyq plastık bólshegi. Ol adam aǵzasyna aýyz, muryn jáne basqa dene qýystary arqyly ene alady.
Dárigerler Kýn Hýa men Sıýbın ıAn jáne olardyń komandasy bul bólshekterdiń adamnyń júrek-qan tamyrlary júıesine janama jáne tikeleı áser etý arqyly qalaı enetinin bilgisi kelgen.
Dárigerler patsıentterdiń júrek tinderin, sondaı-aq jartysynan qan úlgilerin jınap, taldady.
Olar tin úlgileriniń kópshiliginen onnan myńǵa deıingi mıkroplastıkalyq bólshekterdi tapty. Barlyq qan úlgilerinen mıkroplastıkalyq bólshekter anyqtalǵan.
Plastıktiń toǵyz túri júrek tininiń bes túrinen anyqtaldy. Zertteý sonymen qatar keıbir mıkroplastıkalyq bólshekterdiń hırýrgııalyq aralasý kezinde dene qýysyna engenin dáleldedi.
Júrektiń úsh túrli bóliginde kezdesetin mıkroplastıkterge polımetılmetakrılat kirdi. Bul ádette shynynyń ornyna soqqyǵa tózimdi balama retinde qoldanylatyn plastık.
Sondaı-aq kıim-keshek pen azyq-túlik ydystaryna qoldanylatyn polıetılentereftalat pen tereze jaqtaýlaryn, sý tógetin qubyrlardy, boıaýlardy jáne t.b. jasaýda keńinen qoldanylatyn polıvınılhlorıd (PVH) tabyldy.
«Tiri organızmnen mıkroplastık tabylýy alańdatarlyq jaǵdaı. Onyń júrek tinine qalaı enetinin, sondaı-aq onyń uzaq merzimdi perspektıvada júrekke operatsııadan keıingi yqtımal áserin zertteý úshin qosymsha zertteýler qajet», - dep qorytyndylady zertteý toby.
Ótken jylǵy zertteý nátıjesinde adam apta saıyn shamamen 5 gramm usaq plastıkalyq bólshekterdi tutynatyny dáleldengen. Al bul nesıe kartasynyń salmaǵyna teń.
Vena medıtsınalyq ýnıversıtetiniń ǵalymdary plastıkalyq bólshekter adamnyń tamaqtaný tizbegine oraý qaldyqtarynan enip, denege teńiz tuzy, teńiz ónimderi, tipti aýyz sý arqyly enetinin anyqtaǵan.
Mıkroplastıkten týyndaǵan asqazan-ishek jolyndaǵy ózgerister semizdik, qant dıabeti jáne baýyrdyń sozylmaly aýrýlary sııaqty metabolıkalyq aýrýlarmen baılanysty.