Qytaı ekinshi pılottyq kemesin ǵaryshqa ushyrdy

BEIJІŃ. QazAqparat – Qytaıdyń Shenchjoý-13» pılottyq kemesi «Tıanhe» ǵarysh stansasynyń modýlimen túıisti. Bul týraly QazAqparat tilshisi Qytaı Ulttyq ǵarysh basqarmasyna silteme jasap habarlaıdy.

«Shenchjoý-13» kemesi Qytaıdyń soltústiginde ornalasqan «Tszıýtsıýan» ǵarysh aılaǵynan jergilikti ýaqytpen saǵat

00:23-te ushyryldy. Kemeni orbıtaǵa shyǵarý úshin

«Chanchjen-2-ef» zymyran tasyǵyshy qoldanylǵan. Senbi kúni jergilikti ýaqyt boıynsha saǵat 06:56-da bortynda ekıpajy bar qytaı ǵarysh kemesi «Tıanhe» ǵarysh stansasynyń negizgi modýlimen túıisken.

Jaqyn arada úsh taıkonavt «Tıanhe» stansasynyń negizgi modýline ótip, stansaǵa qyzmet etýge qosylady

Eske sala ketsek, bul Qytaıdyń pılottyq ekinshi ǵarysh kemesi, ǵaryshkerler orbıtada alty aı bolyp, ashyq ǵaryshqa eki-úsh ret attanady.

Qyrkúıek aıynda orbıtaǵa kezekti mıssııanyń ǵarysh stansasynda uzaq ýaqyt bolýyn qamtamasyz etýi úshin azyq-túlik jáne arnaıy jabdyqtar tıelgen júk kemesi jiberilgen.

Buǵan deıin «Shenchjoý-12» pılottyq ǵarysh mıssııasy qyrkúıekte sátti aıaqtaldy.

«Tıanhe» ǵarysh stansasy 2022 jyly jumys isteı bastamaq.