Qytaı densaýlyq kodyn ózara moıyndaýdyń halyqaralyq mehanızmin jasaýdy usyndy
QHR tóraǵasy Sı Tszınpın beınekonferentsııa formatynda ótip jatqan Jıyrmalyq tobynyń (G20) sammıtinde osyndaı usynys jasady, dep habarlaıdy QazAqparat.
«Qytaı tarapy densaýlyq kodyn ózara moıyndaýdyń halyqaralyq tetigin jasaýdy usyndy. Bul mehanızm PTsR-taldaý men jalpy moıyndalǵan QR-kodty qoldaný standartyna negizdeledi»,-dedi Sı Tszınpın.
Bul rette QHR tóraǵasy atalǵan mehnızmge múmkindiginshe álemniń kóptegen óńirleri men elderi qosylatynyna senim bildirdi.
«Qytaı koronavırýsqa qarsy vaktsınany zertteý men daıyndaý, óndirý men taratý baǵytynda ózge memlekettermen yntymaqtasýǵa daıyn»,-dedi ol.
Aıta keteıik, qazan aıynda Qytaı Vaktsınatsııa men ımmýnızatsııa jónindegi jahandyq alıanspen (GAVI) kelisim jasap, COVID-19 vaktsınasynyń jalpyǵa teńdeı taratylýyn qamtamasyz etýge baǵyttalǵan halyqaralyq COVAX bastamasyna qosyldy.