Qytaı daǵdarysty jaǵdaıdy turaqtandyrý úshin Ýkraınaǵa ókilin jiberedi

BEIJІŃ. QazAqparat – Qytaı daǵdarysty jaǵdaıdy turaqtandyrý úshin Ýkraınaǵa arnaıy ókilin jiberedi. Bul týraly sársenbi kúni QHR basshysy Sı Tszınpın Ýkraına prezıdenti Vladımır Zelenskıımen telefon arqyly sóılesý kezinde málimdedi, dep habarlaıdy QazAqparattyń menshikti tilshisi.

«Qytaı Ýkraına daǵdarysyn saıası turǵydan retteý máseleleri boıynsha barlyq tarappen pikir almasý úshin Ýkraına men basqa da elderge QHR úkimetiniń Eýrazııa isteri jónindegi arnaıy ókilin jiberedi», - dep keltirilgen Sı Tszınpınniń sózi sársenbi kúni QHR SІM taratqan baspasóz habarlamasynda.

Sı Tszınpın Ýkraına daǵdarysynyń kúrdeli evolıýtsııasy halyqaralyq jaǵdaıǵa áser etip jatqanyn atap ótti. Qytaı áý bastan beıbitshilikti qalaıdy. Ýkraına daǵdarysyna qatysty Qytaı ustanymy – tatýlasý men kelissóz júrgizýge yqpal etý.
«Daǵdarystan shyǵatyn jalǵyz jol – dıalog pen kelissóz. ıAdrolyq soǵysta jeńimpaz bolmaıdy. Taraptar salqynqandy bolyp, ıadrolyq qarý máselesinde ustamdyq tanytýy kerek, óz bolashaǵy men adamzattyń taǵdyry úshin daǵdarysty birge basqarýy qajet», - dep málimdedi Qytaı basshysy.
«Qytaı aldaǵy ýaqytta da beıbit kelissózderge jaǵdaı jasap, oq atýdy tezirek toqtatyp, beıbitshilik ornatýǵa kúsh salady», - dedi ol.