Qytaı tsıfrlyq ekonomıka jáne jasyl damý salasynda Ortalyq Azııamen yntymaqtastyqqa daıyn

BEIJІŃ. QazAqparat – Qytaı bıligi «Ortalyq Azııa - Qytaı» sammıtinde qol jetkizilgen nátıjelerdi júzege asyrý úshin Ortalyq Azııa (OA) elderimen yntymaqtastyqqa daıyn. Mundaı málimdemeni QHR syrtqy ister mınıstri Van I dúısenbi kúni jasady, dep habarlaıdy QazAqparat.

«Qytaı dıplomatııalyq qatynastardyń ornaǵanyna 30 jyl tolýyna oraı ótken sammıt («Ortalyq Azııa - Qytaı») nátıjelerin júzege asyrý úshin bes elmen yntymaqtasýǵa, epıdemııanyń aldyn alý, óndiristik qýattylyq, energetıka, aýyl sharýashylyǵy, gýmanıtarlyq ǵylymdar, tsıfrlyq ekonomıka jáne jasyl damý salasyndaǵy yntymaqtastyqty keńeıtýge jáne tereńdetýge daıyn», - dep atap ótti Van I.

Eske salaıyq, 2022 jyldyń 25 qańtarynda Qazaqstan Prezıdenti Qasym-Jomart Toqaev Ortalyq Azııa men Qytaı elderi arasyndaǵy dıplomatııalyq qarym-qatynastyń ornaǵanyna 30 jyl tolýyna arnalǵan «Ortalyq Azııa - Qytaı» memleket basshylary sammıtine qatysty.

Qazirgi ýaqytta Beıjińdegi Tıananmen alańynda Halyq jınalysy úıinde Jalpyqytaılyq halyq ókilderi jınalysynyń (JHÓJ) dástúrli sessııasy ótip jatyr.

Ol juma kúni aıaqtalady.

JHÓJ sessııasynda QHR ekonomıkalyq damý, syrtqy jáne qorǵanys saıasaty máseleleri qaralyp jatyr.