Qytaı «Bir beldeý – bir jol» bastamasynyń áriptes elderine jańa múmkindik usynady - QHR SІM basshysy

BEIJІŃ. QazAqparat – Qytaı «Bir beldeý – bir jol» («BB-BJ») bastamasy aıasynda áriptes elderge jańa múmkindikter ashady. Bul týraly jeksenbide Beıjińde QHR syrtqy ister mınıstri Van I Jalpyqytaılyq halyq ókilderi jınalysynyń 13 shaqyrýynyń 4-sessııasynda málimdedi, dep habarlaıdy QazAqparattyń menshikti tilshisi oqıǵa ornynan.

QHR SІM basshysynyń aıtýynsha, Qytaı «BB-BJ» aıasyndaǵy halyqaralyq yntymaqtastyqty ári qaraı damytýdy jáne «beldeý men joldyń» áriptes elderi úshin jańa múmkindikterdi ashýdy» kózdep otyr.

«BB-JJ» qurylysyn sapaly júrgizý maqsatynda biz barlyq taraptarmen jumys jasaýǵa daıynbyz», - dep málim etti mınıstr.

Van I Qytaıdyń áriptes eldermen birge «Sandyq Jibek joly», «Salaýatty Jibek joly» jáne «Jasyl Jibek joly» salasyndaǵy yntymaqtastyqty nyǵaıtýǵa nıetti ekendigin bildirdi.

14 besjyldyqtyń (2021-2025 jj.) negizgi mindetteriniń biri – ashyq tıpti ekonomıkanyń jańa júıesin qurý, «BB-BJ» bastamasynyń júzege asyrylýy aıasyndaǵy joǵary sapaly damýǵa yqpaldasý.

Kelesi besjyldyqta «BB-BJ» aıasynda Qytaı bıligi «Sandyq Jibek joly», «Salaýatty Jibek joly» jáne «Jasyl Jibek joly» qurylystaryn júzege asyrýǵa, QHR damytý baǵdarlamalaryn jetekshi elder men óńirlerdiń uqsas baǵdarlamalarymen túıindestirýge jáne óndiristik qýat salasyndaǵy seriktestikti nyǵaıtýǵa nıet bildirip otyr.

Sonymen qatar Qytaı bıligi «BB-BJ» aıasynda elektrondy kommertsııanyń damýyndaǵy áriptestikti keńeıtýdi, «qytaı-eýropalyq ekspress» damýynda temir joldar men ótkizý pýnkteriniń ótkizý múmkindikterin arttyrýdy jáne sheteldik qoımalar men bólý ortalyqtarynyń qurylysyna kúsh jumsaýdy maqsat etedi.

Avtory: Rýslan Súleımenov