Qytaı azamaty elimizge telefon bólshekterin zańsyz alyp ótpek bolǵan
14:38, 15 Maýsym 2016
ASTANA. QazAqparat - Qazaq-qytaı shekarasynda ornalasqan «Qorǵas» baqylaý-ótkizý beketiniń shekara jasaǵy kontrabandyq jolmen elimizge taýar ótkizbek bolǵan Qytaı azamatyn ustady, dep habarlaıdy QR UQK ShQ baspasóz qyzmeti.
Shekaralyq baqylaý kezinde reıstik avtobýspen elimizge kele jatqan azamattyń 110 keli júginiń tıisti qujattary bolmaı shyqty. Al onyń júgin ashyp qaraǵanda barlyǵy uıaly telefonnyń qosalqy bólshekteri men akssesýarlary ekendigi anyqtaldy.
Atalǵan derek boıynsha materıaldar «Altynkól» keden beketiniń qyzmetkerlerine tapsyryldy.