Qytaı Aıǵa, Marsqa jáne odan basqa planetalarǵa ushýdy josparlap otyr
Qytaıdyń Ulttyq ǵarysh basqarmasy 2003 jyly 300 mln AQSh dollarlyq bastapqy jyldyq bıýdjetimen quryldy.
2016 jyly Qytaı óziniń ǵarysh salasyn jeke kompanııalarǵa ashty jáne qazir olar jylyna 1,5 mlrd dollardan astam ınvestıtsııa salady.
Qazirgi ýaqytta Qytaıdyń ǵarysh jobalarynda 300 myńǵa jýyq adam jumys isteıdi, bul AQSh-tyń NASA ǵarysh agenttigine qaraǵanda 18 ese kóp.
Nátıjesinde 2021 jyly Beıjiń óziniń Tıangýn ǵarysh stantsııasynyń alǵashqy modýlin orbıtaǵa shyǵardy.
Jyldyń sońyna qaraı oǵan «Mengtian science lab» ǵylymı zerthanasynyń qosymsha modýlin, al kelesi jyly «Xuntian» ǵaryshtyq teleskopyn qosý josparlanǵan.
Bolashaqta «Tıangýnnyń» jeke elektr stantsııasy, qozǵaltqysh qondyrǵysy, tirshilikti qamtamasyz etý júıeleri jáne turǵyn úı-jaılary bolady.
Úsh qytaılyq astronavt eldiń jańa ǵarysh stantsııasynda jumys isteý úshin alty aılyq mıssııany bastady.
Bul - Qytaıdyń jetekshi ǵaryshtyq derjava bolý jolyndaǵy sońǵy qadamy retinde qarastyrylady.
Bir qyzyǵy, qytaılyq astronavtarǵa HǴS-yna shyǵýǵa ruqsat etilmeıdi, óıtkeni AQSh zańnamasy NASA-ǵa Qytaımen derekterdi bólisýge tyıym salady.
Ulybrıtanııadaǵy Portsmýt ýnıversıtetiniń ǵarysh jobalary jetekshisi Lıýsında Kıng Qytaıdyń Aıǵa ushýy bir jaǵynan onyń betinen sırek kezdesetin metaldardy alý múmkindigine negizdelgen dep sanaıdy.
London ǵarysh saıasaty jáne quqyq ınstıtýtynyń dırektory, professor Saıd Mýsteshar Qytaıdyń ǵarysh baǵdarlamasy álemge óziniń kúshi men tehnologııalyq progresin kórsetýge degen umtylysyn kórsetedi dep sanaıdy.