Qytaı aı kúntizbesi boıynsha Jańa jyldy qarsy alady

BEIJІŃ. QazAqparat – Qytaı turǵyndary jeksenbige qaraǵan túni aı kúntizbesi - «Chýntsze» (Kóktem merekesi) boıynsha Jańa jyldy qarsy alady. Bıylǵy Chýntsze merekesi búkil el boıynsha aýqymdy toılanbaq, dep habarlaıdy QazAqparat tilshisi.

Epıdemııaǵa qarsy sharalardyń alynyp tastaýyna baılanysty týrıster aǵyny men qalalar arasyndaǵy jolaýshylar kóleminiń edáýir ulǵaıǵany baıqalady.

QHR kólik mınıstrliginiń málimeti boıynsha, Qytaı turǵyndary aı kúntizbesi boıynsha jańa jylǵa oraı maýsymdyq kóshi-qon kezeńinde 2 mıllıardtan astam sapar jasaıdy. Bul pandemııaǵa deıingi 2019 jyldyń sáıkes kezeńimen salystyrǵanda 70,3% - ǵa artyq.
Aldyn ala boljamǵa sáıkes, Jańa jyldyq demalys kezinde búkil el boıynsha kassalar shamamen 900 mıllıon dollarǵa jetedi. Heılýntszıan provıntsııasyndaǵy (Soltústik Qytaı) taý shańǵysy kýrorttaryna bıletterdi brondaý jyldyq esep boıynsha 60% - ǵa ósti jáne Beıjiń men Shanhaı sııaqty iri megapolısterdegi tanymal meıramhanalardyń barlyǵynda ústelderge tapsyrys berilgen.
2023 jyldyń qańtar aıynyń alǵashqy 10 kúninde Qytaıdaǵy iri bólshek saýda oryndaryndaǵy bólshek saýda bir jylmen salystyrǵanda 20%-ǵa ósken.

Foto: AP Photo/Joshua Paul