Qytaı aýmaǵyn qumdy daýyl basty

BEIJІŃ. QazAqparat - Qytaıda qumdy daýyl soǵyp tur. Aýa raıy qaýiptiliginiń kók deńgeıi jarııalandy,dep habarlaıdy QazAqparat tilshisi.

QHR Ortalyq meteorologııa qyzmetiniń málimeti boıynsha, 11-12 sáýir kúnderi qumdy jáne shańdy daýyl Shyńjań, Іshki Mońǵolııa, Hebeı, Shansı, Shensı, Henan, Lıaonın, Tszılın, Heılýntszıan, Anhoı, Tszıansý, Hýbeı provıntsııalarynda, sondaı-aq Beıjiń, Tıantszın jáne Shanhaı syndy megapolısterde kóteriledi dep kútilýde.

Іshki Mońǵolııanyń ortalyq bóliginde qumdy daýyl qatty soǵýy yqtımal.

Aýanyń lastanýy Qytaı astanasynyń birqatar aýdandarynda densaýlyqqa «qaýipti» dep baǵalandy. RM10 bólshekteriniń kontsentratsııasy 1000 mkg/teksheden asady.
Meteorologtar sársenbi kúni tańerteń jaǵdaı jaqsaryp, aýanyń lastaný deńgeıi birtindep tómendeıtinin aıtty.