Qytaı áýejaıynda 113 jolaýshysy bar ushaq órtendi

BEIJІŃ. QazAqparat - Beısenbi kúni tańerteń Qytaıdyń Chýntsın halyqaralyq áýejaıynda Chýntsın-Lhasa baǵytyndaǵy ushaq ushý-qoný jolaǵynan shyǵyp ketip, órtendi. Ushaqta 113 jolaýshy men 9 ekıpaj múshesi bolǵan, dep habarlaıdy QazAqparattyń Qytaıdaǵy menshikti tilshisi.

Bul týraly áýejaı habarlamasynda aıtylǵan.

113 jolaýshy men 9 ekıpaj múshesi evakýatsııalandy, zardap shekkender bar. Habarlamaǵa sáıkes, 12 mamyrda jergilikti ýaqyt boıynsha saǵat 08:09-da Tibet Airlines kompanııasynyń 122 jolaýshysy men ekıpajy bar ushaǵy ushý-qoný jolaǵynan syrǵyp shyǵyp, órtenip ketken.
Oqıǵa Qytaıdyń ońtústik-batysyndaǵy Chýntsın qalasyndaǵy «Tszıanbeı» halyqaralyq áýejaıynda boldy.

Barlyq 113 jolaýshy men 9 ekıpaj múshesi qaýipsiz jerge shyǵaryldy. Jaraqat alǵan 40-tan astam jolaýshy em alý úshin qalalyq aýrýhanalarǵa jetkizildi. Qazirgi ýaqytta Chýntsın Tszıanbeı halyqaralyq áýejaıynda ushý-qoný reısteri qalypty jaǵdaıǵa oraldy.

Oqıǵanyń sebebi anyqtalýda.