Qytaı 60 jyldan beri bolmaǵan qurǵaqshylyqtan zardap shegýde

BEIJІŃ. QazAqparat – Qytaıda bılik aptap ystyq saldarynan aýa temperatýrasy qaýpiniń eń joǵary qyzyl deńgeıin taǵy da uzartty. Bir aıdan beri ıAntszynyń orta jáne tómengi aǵysyndaǵy aýdandarda kúndiz aýa temperatýrasy plıýs 40 gradýsqa deıin jetýde, dep habarlaıdy QazAqparat tilshisi.

Sınoptıkterdiń boljamynsha, mundaı aýa raıy taǵy bir aptaǵa sozylady. Qytaıda aptap ystyq eki aıdan astam ýaqytqa sozyldy. Bul – 1961 jyly baqylaý bastalǵannan bergi ekstremaldy temperatýra saqtalǵan eń uzaq kezeń.

23 tamyzda, alty provıntsııa men Chýntsın megapolısinde termometr baǵamy 40 gradýstan joǵary kóterilýi múmkin dep kútilýde. Sınoptıkter jergilikti bılik organdaryna aptap ystyqpen kúres boıynsha shuǵyl sharalar qabyldaýdy, ashyq aýada jumys isteýdi toqtatýdy, órt qaýipsizdigin qamtamasyz etýdi jiti qadaǵalaýdy jáne halyqtyń osal toptaryna erekshe nazar aýdarýdy usynady. Qytaıda aýa raıynyń qolaısyzdyǵy týraly tórt deńgeıli eskertý júıesi bar, onda qaýiptiń eń joǵary deńgeıi qyzyl túspen, odan keıin qyzǵylt sary, sary jáne kók tústermen kórsetiledi. Ótken beısenbiden bastap Qytaıdyń ońtústik-batysyndaǵy Chýntsın mýnıtsıpalıtetinde joǵary aýa temperatýrasy men qurǵaqshylyqqa baılanysty birneshe orman órti tirkeldi.

Qutqarý jumystaryna jáne shuǵyl kómek kórsetý úshin qutqarý toptarynyń, qarýly polıtsııanyń, orman órtin sóndirýshilerdiń jáne basqa vedomstvolardyń jalpy sany 5000-nan astam qyzmetkeri, sondaı-aq jeti tikushaq jiberildi.

1500-den astam adam evakýatsııalandy.

Budan buryn habarlanǵandaı, Qytaıdaǵy qýańshylyq egin sharýashylyǵyna qaýip tóndirip tur.

Avtory: Rýslan Súleımenov

Foto: AFP PHOTO