Qytaı 4000 km/saǵ jyldamdyqpen qatynaıtyn poıyz shyǵarmaq

BEIJІŃ. QazAqparat -Qytaı aeroǵarysh ǵylym jáne ónerkásip korporatsııasy (CASIC) 1000-den 4000 km/saǵ jyldamdyqpen qatynaıtyn poıyz jobasyn jasap jatyr, dep habarlaıdy «QazAqparat» HAA Qytaıdaǵy menshikti tilshisi.

30 tamyzda Qytaıdyń Ýhan qalasynda ótken Kommertsııalyq ǵarysh jónindegi 3-shi Qytaı halyqaralyq forýmynda CASIC dırektorynyń orynbasary Lıý Shıkýan «ushatyn poıyz» jobasyn jasap jatqandyqtaryn habarlady.

Onyń sózine qaraǵanda, bul joba dástúrli joǵary jyldamdyqty kólik qozǵalysyn 10 esege jáne  qoldanystaǵy azamattyq ushaqtyń jyldamdyǵyn  5 esege deıin arttyrýǵa qaýqardy.

Baǵdarlama 3 kezeń boıynsha iske asyrylmaq. Birinshi kezekte 1000 km/saǵ jyldamdyqta júretin «ushatyn poıyz» úshin óńirlik qalaaralyq jeli salynady. Ekinshi kezekte 2000 km/s jyldamdyqta qatynaıtyn poıyzdar úshin Qytaıdyń iri qalalary arasynda  kólik jelisiniń qurylysy júrgizilmek. Sosyn baryp 4000 km/saǵ jyldamdyqpen «Bir beldeý, bir jol» boıyndaǵy elderdi jalǵaıtyn kólik qurylysy bastalmaq.

Erekshe jobany ázirleýge 20 qytaı jáne sheteldik ǵylymı-zertteý mekemeleri qatysýda eken. Osy maqsatta tıisti salalardaǵy 200-den asa patent satyp alanǵan.