Qytaı 2028 jylǵa qaraı Aıdy zertteıtin halyqaralyq stansasyn ashady

BEIJІŃ. QazAqparat – Halyqaralyq Aıdy zertteý stansasynyń negizgi konstrýktsııasy shamamen 2028 jylǵa deıin salynady. Bul týraly Qytaıdyń Aıdy ıgerý baǵdarlamasynyń bas konstrýktory Ý Veıjen málimdedi, dep habarlaıdy QazAqparattyń menshikti tilshisi.

Onyń aıtýynsha, Halyqaralyq Aıdy zertteý stansasynyń (ILRS) negizgi konstrýktsııasynyń qurylysy 2028 jylǵa deıin aıaqtalady.

Stansa Aıǵa qoný apparattarynan, Aı betinde júrý jáne adam tirshiligin qamtamasyz etý júıesinen turady.

«Biz atom energııasy arqyly uzaq ýaqyt boıy energııamen qamtamasyz etýge múmkindik beretin jańa energetıkalyq júıeni ázirlep jatyrmyz. Al kommýnıkatsııalyq ınfraqurylym Aı men Jer arasyndaǵy nemese Mars sııaqty basqa planetalarmen baılanysty qamtamasyz etedi», - dep keltiredi qytaılyq ǵalymnyń sózin CCTV.

ILRS negizgi konfıgýratsııasy «Chane-6,7 jáne 8» mıssııalary barysynda iske qosylady.

Stantsııa qoldanysqa engizilgennen keıin oǵan aldymen qytaılyq astronavtar, sodan keıin basqa seriktes elderdiń ǵaryshkerleri bara alady.

Alaıda, kóbine stansa bos turady.

Foto: Roscosmos/CNSA