Qytaı 2018 jyly 5G tehnologııasyn iske qospaq
01:22, 20 Qarasha 2017
ASTANA. QazAqparat - Qytaıda 2018 jyly besinshi tolqynǵa arnalǵan 5G-uıaly baılanys júıesi iske qosylmaq. Bul kommertsııalyq jobany Qytaıdyń iri úsh telekommýnıkatsııalyq operatory China Mobile, China Telecom jáne China Unicom birlesip iske qospaq, dep habarlaıdy Sınhýa .
Jańa tolqyndyq júıeniń jappaı qoldanylýy 2020 jylǵa qaraı bastalady.
China Telecom uıaly baılanys kompanııasynyń Gýanchjoý ınstıtýtynyń dırektory Van Tsınıannyń aıtýyna qaraǵanda, korporatsııa jańa tehnologııany 2018 jyldan bastap synaqtan ótkize bastaıdy.
Qazirdiń ózinde China Telecom ınnovatsııalyq jobanyń eksperımentaldy nusqasyn Lanchjoý, Chendý, Shenchjen, Sýchjoý jáne Shanhaı sııaqty eldiń birqatar qalalaryna qosqan.
China Mobile kompanııasynyń 5G birlesken ınnovatsııalyq ortalyǵy 2016 jyly Qytaı men shet elderde 12 zerthana ashqan. Tehnologııany ázirleýge 112 uıymnyń qyzmetkerleri tartylǵan.