Qytaı 15 naýryzdan bastap Qazaqstanǵa shyǵý týrlaryn qalpyna keltiredi
«2023 jyldyń 15 naýryzynan bastap búkil el boıynsha týrıstik agenttikter men onlaın-kompanııalar eksperımenttik negizde Qytaı azamattaryna belgili bir elderge shyǵýǵa toptyq týrlar men «avıabılet + qonaqúı» qyzmetin uıymdastyrýdy qalpyna keltiredi», - delingen QHR Mádenıet jáne týrızm mınıstrliginiń málimdemesinde.
Bul tizimge Qazaqstannan basqa Nepal, Brýneı, Vetnam, Mońǵolııa, Iran, Iordanııa, Tanzanııa, Namıbııa, Ózbekstan, Grýzııa, Ázerbaıjan, Armenııa, Serbııa, Horvatııa, Frantsııa, Gretsııa, Ispanııa, Islandııa, Italııa, Danııa, Portýgalııa, Slovenııa, Brazılııa, Chılı, Ýrýgvaı jáne basqa da birqatar elder kiredi.
2023 jyldyń 8 qańtarynda Qytaı bıligi juqpaly aýrýlar reıtıngindegi COVID-19 klassıfıkatsııasyn «A» sanatynan «V» sanatyna túsirip, Qytaıdan basqa memleketterge saıahatty birtindep qalpyna keltire bastady. Týrıstik maqsatta shetelge shyǵýǵa tólqujat alý úshin Qytaı azamattarynyń ótinishterin qabyldaý jáne qaraý rásimderi qalpyna keltirildi.
Qytaı statıstıkasyna sáıkes, 2019 jyldyń birinshi jartyjyldyǵynda qytaılyq týrıster shetelde 1 127,5 mlrd dollar jumsaǵan. Amerıka kontınenti 24%-ben ekinshi orynda, odan keıin Eýropa - 13%.
Buǵan deıin Qytaı basshylyǵy kovıdti jeńgenin jarııalaǵan bolatyn. Qytaı Kommýnıstik partııasy Ortalyq Komıteti Saıası bıýrosynyń turaqty komıtetiniń ókilderi Qytaı ótken qarashadan bastap COVID-19 aldyn alý jáne baqylaý salasynda úlken jeńiske jetkenin atap ótti.