Qysqy ýnıversıada: Qazaqstandyq qyzdar shańǵydan qola medal aldy

ASTANA. QazAqparat – AQSh-tyń Leık-Plesıd qalasynda ótip jatqan ýnıversıadada Qazaqstan qorjynyna taǵy bir qola medal tústi, dep habarlaıdy QazAqparat tilshisi.

«Sportty damytý dırektsııasy» RMQK-nyń baspasóz qyzmetinen málim etkenindeı, shańǵy jarysynan estafetadan Qazaqstan qyzdar quramasy máre syzyǵyn úshinshi bolyp qıdy.

Fınlıandııa quramasy chempıon atansa, norvegııalyq stýdent qyzdar kúmis júldeger atandy.

Qazaqstan sapynda Aısha Raqyshova, Nadejda Stepashkına jáne Ksenııa Shalygına jarys jolyna shyqty. A.Raqyshova (jeke bapkeri Názigúl Dúısenova) Almaty oblysynan bolsa, K.Shalygına (jeke bapkeri, ákesi – Vladımır Shalygın) Almaty qalasynan, al N.Stepashkına (jeke bapkeri – Oleg Kolomeets) Aqmola oblysynan.

Olardyń bári de QR Mádenıet jáne sport mınıstrliginiń qoldaýymen «Sportty damytý dırektsııasynda» shtatta turady.

Eske sala keteıik, budan buryn ýnıversıadada Qazaqstan quramasy 3 altyn, 1 qolamen medaldar kestesinde altynshy orynda turǵanyn jazǵan edik.