Qysqy Ýnıversıada: Qazaqstandyq hokkeıshileri ekinshi márte jeńiske jetti

ASTANA. QazAqparat - 2023 jylǵy Qysqy Ýnıversıadada shaıbaly hokkeıden Qazaqstan stýdentter quramasy ekinshi oıynyn Vengrııaǵa qarsy ótkizdi, dep habarlaıdy QazAqparat tilshisi.

Kezdesý barysynda qazaqstandyq hokkeıshiler sátti oıyn kórsetti. Birinshi keezńde qarsylas qaqpasyna bes gol soǵyp úlgerdi. Ony Artem Korolev 2, Abaı Mańǵysbaev 4, 16, Maksım Mýsorov 7, Vsevolod Logvın 12-mınýttarda óziniń enshisine jazdy.

Ekinshi kezeńde qazaqstandyq hokkeıshiler qarsylas qaqpasyna taǵy úsh shaıba soqty. Qurama sapynan Stanıslav Aleksandrov 25, Saıan Danııar 29-mınýtta mergendik tanytsa, Maksım Mýsorov 34-mınýtta taǵy bir márte kózdegen nysanadan múlt ketken joq.

Al úshinshi kezeńde Saıan Danııar 49-mınýtta gol soǵyp, basymdyqty arttyra tússe, 54-mınýtta vengrııalyq sportshylar kezdesý barysyndaǵy alǵashqy golyn soqty.

Osylaısha Qazaqstan stýdentter quramasy qarsylasynan 9:1 esebimen basym tústi.

Qazaqstandyq hokkeıshiler V tobynda Ońtústik Koreıa, Vengrııa, Ulybrıtanııa, Slovakııa jáne AQSh-pen synǵa túsedi.

Buǵan deıin qazaqstandyqtar 12 qańtarda Ońtústik Koreıany 5:1 esebimen jeńdi.

Endi olar 6 qańtarda Ulybrıtanııamen kezdesse, odan keıin 17 qańtarda Slovakııa, 18 qańtarda AQSh quramasymen oınaıdy.