Qysqy Paralımpıada-2022: Aleksandr Gerlıtstiń qansha syıaqy alatyny belgili boldy

NUR-SULTAN. QazAqparat - 2022 jylǵy XIII qysqy Paralımpıada oıyndarynda qola júldeger atanǵan Aleksandr Gerlıts memleket tarapynan qansha kólemde syıaqy alatyny anyqtaldy, dep habarlaıdy QazAqparat tilshisi.

Eske salsaq, búgin qazaqstandyq sportshy Aleksandr Gerlıts parabıatlonnan 10 shaqyrymǵa túregep syrǵanaýda máre syzyǵyn úshinshi bolyp qıdy.

Aleksandr Gerlıts qola júldesi úshin 75 myń AQSh dollary (38 mıllıon teńge) alatyn boldy.

Elimizdiń atynan Qysqy Paralımpıadada altyn alǵandarǵa 250, ekinshi oryn ıelerine 150 myń AQSh dollary kóleminde syıaqy belgilengen.

XIII qysqy Paralımpıada oıyndarynda Qazaqstan atynan Sergeı Ýsoltsev, Aleksandr Gerlıts, Erbol Hamıtov, Denıs Petrenko men ıÝrıı Berezın el namysyn qorǵaýda.

Endi qazaqstandyq sportshylar 11, 12, 13 naýryz kúnderi aıtýly alamanda baq synaıdy.

Qysqy Paralımpıada 4 jáne 13 naýryz aralyǵynda ótkiziledi. Onda álemniń 50 memleketinen kelgen 700-ge tarta sportshy baq synaýda.