Qysqy Paralımpıada-2022: Aleksandr Gerlıts márege 8-shi bolyp keldi

NUR-SULTAN. QazAqparat - Beıjińde ótip jatqan 2022 jylǵy Paralımpıada oıyndarynda qazaqstandyq Aleksandr Gerlıts bıatlonnan túregep jarysý saıysyna qatysty, dep habarlaıdy QazAqparat tilshisi.

Báseke nátıjesinde ýkraınalyq Grıgorıı Vovchınskıı máre syzyǵyn birinshi bolyp qıdy. Ekinshi oryn germanııalyq Marko Maıerge buıyrsa, úzdik úshtikti kanadalyq Mark Arendz túıindedi.

Al qazaqstandyq sportshy márege segizinshi bolyp keldi. Kórsetkishi - 18:40.3. Onyń jarys jeńimpazynan qalyp qoıǵan kórsetkishi - +2:22.7.

Endi qazaqstandyq sportshylar 6, 8, 11, 12, 13 naýryz kúnderi aıtýly alamanda baq synaıdy.

Eske salsaq, XIII qysqy Paralımpıada oıyndarynda Qazaqstan namysyn Sergeı Ýsoltsev, Aleksandr Gerlıts, Erbol Hamıtov, Denıs Petrenko men ıÝrıı Berezın qorǵaıdy.