Qysqy Olımpıadanyń sońǵy kúni qansha medal sarapqa salynady

BEIJІŃ. QazAqparat - Beıjińde ótip jatqan Aq Olımpıada oıyndarynyń sońǵy kúni, ıaǵnı 20 aqpanda 5 medal jıyntyǵy sarapqa salynady, dep habarlaıdy QazAqparat tilshisi.

Jalpy, 2022 jylǵy qysqy Olımpıadada 109 medal oınatylýda. Qazir onyń 104-i óz ıelerin tapty. Erteń qalǵan 5 medal jıyntyǵynyń ıeleri anyqtalady.

Aıtalyq Norvegııa quramasy 15 altyn, Germanııa 11 altyn, Qytaı 9 altyn medal jeńip alsa, AQSh, Shvetsııa, Nıderland 8 «altynnan» qanjyǵalaryna baılady. Al Shveıtsarııa 7 altyn, Reseı men Avstrııa quramalary 6 altyn, Frantsııa 5 altyn júldeni qorjyndaryna saldy.

Kanada – 4, Japonııa 3 altyn medal jeńip aldy. Italııa, Ońtústik Koreıa, Slovenııa jáne Jańa Zelandııa 2 «altynnan» menshiktedi. Fınlıandııa, Avstalııa, Vengrııa, Belgııa, Cheh Respýblıkasy jáne Slovakııa elderiniń enshisinde bir-bir altyn medaldan bar.

Erteń Beıjiń qysqy Olımpıada oıyndarynyń sońǵy kúni. Ókinishke qaraı, Qazaqstan qorjyny ázirge bos tur.

Buǵan deıin habarlaǵanymyzdaı, jeksenbi kúni 3 sportshymyz synǵa túsedi. Shańǵy jarysynan Angelına Shýryga, Irına Bykova jáne Nadejda Stepashkına 30 shaqyrymǵa mass-startta baq synaıdy.