Qysqy Olımpıadada oıyndarynyń jabylý rásimi ótip jatyr

NUR-SULTAN. QazAqparat - Beıjińdegi XXIV Qysqy Olımpıada oıyndarynyń saltanatty jabylý rásimi bastaldy, dep habarlaıdy QazAqparat tilshisi.

Jabylý saltanaty 2008 jylǵy Jazǵy Olımpıada oıyndaryna arnap salynǵan «Qus uıasy» stadıonynda ótýde.

Saltanatty sharanyń basty keıipkerleri sportshylar bolmaq. Uıymdastyrýshylardyń málimetinshe, jyldar boıy óz ómirindegi basty dodaǵa daıyndalǵan atletter - jabylý saltanatynyń bas qaharmandary.

Sonda-aq, Olımpıadanyń saltanatty jabylý rásiminde Beıjiń tarıhta qysqy jáne jazǵy oıyndardy qabyldaǵan tuńǵysh ári jalǵyz qala ekenine basymdyq berilmek.

Aıta ketelik, Beıjińdegi qysqy Olımpıada oıyndary 4 aqpanda bastalǵan bolatyn. Oıyndardyń ashylý rásimi de týra

Qazaqstan komandasynyń sportshylary júldege ilingen joq. Komanda sapyndaǵy eń joǵary nátıjeni Abzal Ájiǵalıev tirkedi. Ol short-trekten 500 metrge jarysýda tórtinshi oryn aldy.

Beıjiń Olımpıadasynda jalpy esebi 109 júlde jıyntyǵy sarapqa salyndy.

Beıjińdegi Olımpıada oıyndarynda Qazaqstan namysyn 34 sportshy qorǵady. Olar shańǵy jarysy, frıstaıl akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa tústi. Ókinishke qaraı birde-biri jeńis tuǵyrynan kórine alǵan joq. Beıjiń Olımpıadasyndaǵy eń úzdik kórsetkishimiz 4-shi oryn. Oǵan komanda sapyndaǵy short-trekshi Abzal Ájiǵalıev ıe boldy.

Foto: twitter.com #Beijing2022