Qysqy Olımpıada: Qazaqstandyq bıatlonshy jarysty 52-orynmen aıaqtady

NUR-SULTAN. QazAqparat - Búgin Beıjińde ótip jatqan Olımpııa oıyndarynda bıatlonnan áıelder arasyndaǵy sprınt jarysy máresine jetti, dep habarlaıdy QazAqparat tilshisi.

Baǵdarlamanyń bul túrinde qazaqstandyq Galına Vıshnevskaıa-Sheporenko el namysyn qorǵady.

Ókinishke qaraı otandasymyz jalpy esepte jarysqa qatysqan 60 sportshynyń ishinen 52-shi orynǵa ıe boldy.

Atalǵan synda Beıjiń olımpıdasynyń altyn medalin Norvegııa sportshysy qanjyǵasyna baılady.

Kúmis medalge Shvetsııa bıatlonshysy qol jetkizse, úzdik úshtikti ıtalııalyq atlet túıindedi.

Bıatlon. Sprınt. 7,5 km. Áıelder

1. Marte Olsbý Roızlend (Norvegııa) - 20:44,3 (0+0)

2. Elvıra Karın Oeberg (Shvetsııa) +30,9 (0+0)

3. Dorotea Vıerer (Italııa) +37,2 (0+0)

52. Galına Vıshnevskaıa-Sheporenko (Qazaqstan) +2:38,3 (1+0)