Qyrymbek Kósherbaev Reseı Federatsııasy Prezıdentiniń arnaıy ókilimen kezdesti
20:00, 09 Qazan 2019
NUR-SULTAN. QazAqparat - Qyrymbek Kósherbaev Reseı Federatsııasy Prezıdentiniń halyqaralyq mádenı yntymaqtastyq jónindegi arnaıy ókili Mıhaıl Shvydkoımen kezdesti, dep habarlaıdy Aqordanyń baspasóz qyzmeti.
Búgin Qazaqstan Respýblıkasynyń Memlekettik hatshysy Qyrymbek Kósherbaev Reseı Federatsııasy Prezıdentiniń halyqaralyq mádenı yntymaqtastyq jónindegi arnaıy ókili Mıhaıl Shvydkoımen kezdesti.
Kezdesý barysynda mádenıet salasyndaǵy halyqaralyq yntymaqtastyq máseleleri, TMD Memleketaralyq gýmanıtarlyq yntymaqtastyq qorymen bekitilgen «Shymkent - Dostastyqtyń 2020 jylǵy mádenı astanasy» memleketaralyq baǵdarlamasy sheńberinde josparlanyp otyrǵan is-sharalar talqylandy.