Qyrkúıekten bastap mektepke deıingi uıym pedagogteriniń jalaqysy ósedi

ASTANA. QazAqparat – Mektepke deıingi tárbıe jáne oqytý pedagogteriniń jalaqysy ósýi múmkin. Bul týraly «Ashyq» NQA portalynda jarııalanǵan Úkimet qaýlysynyń jobasynda jazylǵan, dep habarlaıdy QazAqparat tilshisi.

«Mektepke deıingi tárbıe jáne oqytý pedagogteriniń laýazymdy aılyq mólsheri myna túzetý koeffıtsıentin qoldana otyryp aıqyndalady:

- 2023 jylǵy 1 qyrkúıekten bastap 1,3 mólsherde», - delingen qujatta.

Qaýyly jobasyna qosymsha berilgen túsindirmede jazylǵandaı, pedagogterdiń jalaqysyn kóterý - atalǵan salany tańdaıtyn jastar qatyrynyń kóbeıýine jáne muǵaliminiń bedelin arttyrýǵa yqpal etpek.

«Jobanyń maqsaty - pedagogtiń ómir súrý jaǵdaılaryn jaqsartý jáne onyń áleýmettik mártebesin arttyrý, sondaı-aq mektepke deıingi tárbıe men oqytý muǵaliminiń bedeli. Nátıjesinde pedagog mamandyǵy pedagogıkalyq qyzmetter naryǵynda suranysqa ıe mamandyqtardyń birine aınalady», - dep túsindirme berilgen Úkimet qaýlysyna.

Qujat 5 mamyrǵa deıin kópshilik talqylaýda bolady.

Qosa keteıik, buǵan deıin Qorǵanys mınıstrligine qarasty oqý oryndary pedagogteriniń jalaqysy ósetinin habarlap edik.