Qyrkúıekte merzimdi tólenbegen nesıeler bankterdiń qaryz qorjynynyń 33,9 paıyzyn qurady

ALMATY. 26 qarasha. QazAqparat - Qyrkúıekte bank sektorynda merzimdi tólenbegen nesıeler kólemi 0,4 paıyzǵa ósti. «Ranking.kz» taldaý qyzmetiniń málimetine qaraǵanda, kúzdiń alǵashqy aıynda ekinshi deńgeıli bankterdiń qaryz qorjynynda onyń úlesi 33,9 paıyzdy quraǵan.

Nashar nesıelerdiń jalpy somasy 4,3 trıllıon teńge bolyp otyr. Al ekonomı kadaǵy banktik qaryzdardyń jalpy kólemi 12,7 trıllıon teńgege jetken. Eń kúrdeli qorjyndar - BTA banki, Nurbank jáne Alıans bankte. Atap aıtqanda jalpy berilgen qaryzdardaǵy merzimdi ótelmegen nesıelerdiń úlesi BTA bankte - 83,2 paıyz, Nurbankte - 54,4 paıyz, Alıans bankte - 54,2 paıyz. Jalpy, qyrkúıek aıynda merzimdi ótelmegen nesıeler ósimi 25 bankte kórinis tapqan.