Qyrkúıek aıynda baspana baǵasy taǵy qymbattady

NUR-SULTAN. QazAqparat – Qazaqstanda ótken aıda turǵyn úı baǵasy taǵy artty, dep habarlaıdy QazAqparat QR Strategııalyq josparlaý jáne reformalar agenttigi Ulttyq statıstıka bıýrosyna silteme jasap.

2021 jylǵy qyrkúıekte onyń aldyńǵy tamyz aıymen salystyrǵanda:

- abattandyrylǵan turǵyn úılerdi alyp-satý – 1%;

- jańa turǵyn úılerdi satý – 0,7%;

- abattandyrylǵan turǵyn úıdi jalǵa alý baǵasy 2,5% qymbattady.

Statıstıkalyq aqparatqa sáıkes, 2020 jyldyń jeltoqsany – 2021 jyldyń qyrkúıegi aralyǵynda jańa baspana baǵasy – 11,7%, abattandyrylǵan úıler – 18,2%, páterdi jalǵa alý 14,1% ósti.

Buǵan deıin Ulttyq statıstıka bıýrosy ótken qyrkúıek aıynda elimizde baspanany satý-satyp alýǵa qatysty 50 364 kelisim jasalǵanyn habarlaǵan bolatyn. Bul, onyń aldyńǵy tamyz aıyna qaraǵanda 8,4% kóp.

Jalpy, 2021 jylǵy qańtar-qyrkúıekte turǵyn úıdi satyp alý-satý mámileleriniń sany ótken jylǵy tıisti kezeńmen salystyrǵanda 97,4% artqan.