Qyrǵyzstannyń UQK qyrǵyz-tájik shekarasyndaǵy oqıǵaǵa qatysty málimdeme taratty
08:32, 18 Qyrkúıek 2019
BІShKEK. Kabar - QazAqparat – Qyrǵyz Respýblkasynyń Ulttyq qaýipsizdik komıteti shekaradaǵy jaǵdaıǵa qatysty málimdeme jasady. Bul týraly QazAqparat Kabarǵa silteme jasap habarlaıdy.
Agenttiktiń habarlaýynsha, eldiń qaýipsizdik qyzmeti qyrǵyz-tájik shekarasyndaǵy oqıǵaǵa qatysty túrli BAQ-tar men áleýmettik jelilerde jarııalanyp jatqan aqparattar jalǵan jáne arandatýshylyq bolýy múmkin ekendigin eskertedi.
Sondaı-aq, shekarada bolǵan shıelenisti sheshý úshin eki tarap kelissózder júrgizip jatyr.
Eske salsaq, 16 qyrkúıekte Qyrǵyzstan men Tájikstan shekarasynda atys bolyp, bir qyrǵyz áskerı qyzmetshisi qaza tapqan bolatyn.