Qyrǵyzstannyń nómirimen júrgen 20 avtokólik el aýmaǵynan shyǵaryldy - Almaty

ALMATY. 5 sáýir. QazAqparat - Búgin Almaty qalasynyń kedendik baqylaý departamenti keden zańnamasyn buzý faktisi boıynsha quryqtalǵan Qyrǵyzstannyń 20 avtokóligin Qazaqstan aýmaǵynan shyǵarý sharasyn ótkizdi.

Bul Keden odaǵynyń kedendik shekarasynda Qyrǵyzstannan ákelingen avtokólik quraldarynyń paıdalaný quqyǵynyń zańdylyǵyn anyqtaý úshin júrgizilgen jedel-aldyn alý sharalarynyń aıasynda júzege asty. Departamenttiń baspasóz qyzmetiniń habarlaýynsha, osy ýaqytqa deıin Keden odaǵy aımaǵynan Qyrǵyzstan nómirimen júrgen barlyǵy 105 avtokólik shyǵarylǵan. Qazirgi ýaqytta sot organynda shamamen 35 materıal qaralýda.

Eske salar bolsaq, Qazaqstan zańyna sáıkes róli oń jaqta ornalasqan avtokólikter Jol polıtsııasy basqarmasynda (JPB) tirkeýge alynbaıdy jáne olardy el aýmaǵyna alyp kelýge tıym salynǵan.

Jyl basynan bastap Almaty qalasy boıynsha Kedendik baqylaý departamentine JPB-dan aqyly turaqta turǵan avtokólikterge qatysty 165 materıal kelip túsken. Qazirgi ýaqytta keden zańdaryn buzǵany úshin QR Ákimshilik quqyq buzý kodeksiniń 1-shi bóliminiń 430-shy babyna sáıkes sotqa 156 materıal joldanyp otyr. Onyń ishinde 121 ákimshilik is boıynsha jalpy somasy1 466 157 teńge aıyppul qarastyrylýda.