Qyrǵyzstannyń «Kabar» aqparat agenttigi 80 jyldyǵyn atap ótti
Agenttiktiń merekelik sharasyn Qyrǵyzstanǵa tanymal telejúrgizýshi jáne qoǵam qaıratkeri Assol Moldokmatova ashty, dep jazady «Kabar» saıty .
«Jýrnalıstiń eńbegi kózge baıqalmaýy da múmkin, biraq ol sonysymen mańyzdy. Meniń ákem elimizdegi eń ardager jýrnalısterdiń biri. Ol «Trýd», «Izvestıe», «Pravda» gazetterinde Qyrǵyz KSR-ynyń bet-beınesi boldy. Sonaý 70-shi jyldary «KırTAG» teletaıpy arqyly maqalalaryn jiberip jatatyn, sondyqtan «Kabar» meni súıikti ákeme degen erekshe esteliktermen baılanystyrady», - dedi telejúrgizýshi.
Ol sonymen qatar, «Kabar» agenttiginiń 80 jyl ýaqyttyń ishinde aýyz toltyryp aıtarlyq jetistikterge jetkenin, oǵan dálel - BAQ-tyń alty tilde aqparat taratyp, telejobalaryn óz platformasynda shyǵaryp, jańa kókjıekterge qol sozýy ekendigin de atap ótti.
Eske sala ketsek, «Kabar» eldegi eń tarıhy tereń aqparattyq agenttik. Ol 1937 jyly iske qosylǵan KırTAG negizinde quryldy. 1988 jyly agenttiktiń orys jáne aǵylshyn tilderinde aqparat taratatyp, jańalyqtary qyrǵyz tiline aýdarylatyn saıty ashyldy. 2001 jyldan bastap, taspadaǵy Qyrǵyz tili tolyqqandy jumysqa kiristi. 2008 jyldan bastap agenttik túrik tilinde de jańalyqtar taratady.