Qyrǵyzstannyń Densaýlyq saqtaý mınıstri koronavırýs vaktsınasyn birinshi bolyp aldy
16:10, 29 Naýryz 2021
BІShKEK. KABAR-QazAqparat – Qyrǵyzstanda búgin, 29 naýryzda koronavırýs ınfektsııasyna qarsy Qytaıdyń SinoPharm preparatymen vaktsınalaýdyń birinshi kezeńi bastaldy, dep habarlaıdy QazAqparat Kabar agenttigine silteme jasap.
Birinshi ekpeni №7 Otbasylyq medıtsına ortalyǵynda eldiń Densaýlyq saqtaý jáne áleýmettik damý mınıstrliginiń basshysy Alymkadyr Beıshenalıev pen onyń orynbasary aldy.
Ol brıfıngide atalǵan vaktsınanyń tıimdiligi joǵary jáne onyń qandaı da bir janama áseri joq ekenin ekenin málimdedi.
Eske sala ketsek, 20 naýryzda Qyrǵyzstanǵa 150 myń doza Qytaıdyń koronavırýs vaktsınasy jetkizilgen edi.