Qyrǵyzstannan keletin ımport 2,5 ese ósken

NUR-SULTAN. QazAqparat – Qyrǵyzstannan keletin ımport 2,5 ese ósken. Bul týraly QR Qarjy mınıstri Erulan Jamaýbaev Úkimet otyrysynda aıtty, dep habarlaıdy QazAqparat tilshisi.

«Qytaı Halyq Respýblıkasymen shekarada ákimshilendirýdi kúsheıtýge baılanysty Qytaıdan Qyrǵyzstanǵa taýarlar ımportynyń aǵylýy baıqalady. Jyl basynan bastap Qyrǵyzstanǵa Qytaı ımportynyń 5 ese ósýi, Qyrǵyzstannan Qazaqstanǵa ımporttyń 2,5 ese ósýi tirkeldi», -dedi mınıstr.

Aıtýynsha, qazir Qytaı Halyq Respýblıkasymen shekarada 900-ge jýyq avtokólik, al ýaqytsha saqtaý qoımalarynda 1200-ge jýyq avtokólik ákimshilendirýdi jeńildetýdi kútip tur.

«Jyl basynan beri shekara mańyndaǵy beketter boıynsha kedendik tólemder men salyqtardyń túsimi 23%, al kólemi – 26% azaıǵan», -dedi Erulan Jamaýbaev.