Qyrǵyzstannan elimizge málimdelmegen taýarlar ákelý faktisi artyp otyr
«Osy jyldyń basynan beri Qyrǵyzstannan Qazaqstan men Reseıge halyq tutynatyn taýarlardyń júk aǵyny 3 esege ulǵaıýy baıqalady. Júk aǵynynyń ulǵaıýymen qatar málimdelmegen, ıaǵnı jasyryn, negizinen Qytaı óndirisiniń taýarlary sany edáýir ulǵaıdy. Kórsetilgen faktilerdiń aldyn alý maqsatynda memlekettik kirister organdary táýekelderdi basqarý júıesin qoldanady. Onyń negizinde taqyryptyq salyqtyq tekserýler júrgiziledi», - dep atap ótedi komıtetten.
Mysaly, vedomstvo dereginshe, 2022 jylǵy 3 aqpanda taqyryptyq salyqtyq tekserý júrgizý barysynda Qyrǵyz Respýblıkasynyń júk avtokólik quralynda 3,6 myńnan astam málimdelmegen qymbat jáne salyq salynatyn taýarlar anyqtaldy. Onyń ishinde qytaı óndirisiniń qujattary men tańbalary joq 98 birlik teri buıymdary (tondar) tabyldy.
«Taýarǵa ilespe qujattarda tondardyń málimdelmeýi EAEO elderinde mindetti túrde teri buıymdaryn tańbalaýdyń engizilýine baılanysty dep boljanýda. Sondaı-aq tekserý júrgizý barysynda taýarǵa ilespe qujattarda kórsetilmegen tanymal brend taýarlary anyqtaldy. Osy faktiler boıynsha materıaldar tıisti is-sharalar qabyldaý úshin quqyq qorǵaý organdaryna jiberiledi. Atalǵan taýarlardy EAEO aýmaǵynda ótkizýdiń zańdylyǵyn belgileý maqsatynda Qyrǵyz Respýblıkasynyń quzyretti organdaryna suraý salynady. Bıznes sýbektileri tarapynan mundaı áreketter EAEO boıynsha áriptes elderdiń bıýdjetterine zalal keltiretinin atap ótken jón. Osyǵan baılanysty baqylaý kúsheıtiletin bolady», - delingen taratylǵan aqparatta.