Qyrǵyzstanǵa munaı eksporttaý týraly kelisim qashan kúshine enedi

NUR-SULTAN. QazAqparat – Energetıka mınıstri Nurlan Noǵaev Qyrǵyz Respýblıkasyna Qazaqstannan munaı jetkizý týraly kelisim qashan ratıfıkatsııalanatynyn aıtty, dep habarlaıdy QazAqparat.

«Qyrǵyzstanǵa munaı jáne munaı ónimderin jetkizý týraly kelisimniń jobasy Qazaqstan tarapynan tolyq pysyqtaldy. Ony biz Qyrǵyz Respýblıkasyndaǵy áriptesterimizge joldaǵan bolatynbyz. Búgingi tańda ol Qyrǵyz Úkimetiniń qaraýynda jatyr», - dedi ol ortalyq kommýnıkaııalar qyzmetindegi brıfıngide.

Mınıstrdiń aıtýyna qaraǵanda, qujattyń mátinin kórshi eldiń Úkimeti áli maquldamaǵan.

«Búgingi shema mynadaı. Qyrǵyz Úkimeti kelisimniń mátinin maquldaýy kerek. Eki eldiń Úkimetteri kelisim jobasyna qol qoıǵannan keıin baryp qujat ratıfıkatsııalanady. Onyń qashan iske asatyny Qyrǵyz tarapyna baılanysty. Olar qashan jobaǵa qol qoıady, ratıfıkatsııalaý sol kezde bastalady», - dedi Nurlan Noǵaev.