Qyrǵyzstanǵa 80 tonna benzın áketip bara jatqandar shekarada ustaldy

QARASÝ. QazAqparat - Búgin shekarashylar qazaq-qyrǵyz shekara ýchaskesiniń Qarasý (Jambyl oblysy) avtomobıl ótkizý pýnktinde 80 tonna «AI-92» markaly janar-jaǵarmaı materıaldaryn Qazaqstannan áketýge jol bermedi, dep habarlaıdy QazAqparat.

Shekara qyzmetiniń málimetine sensek, zańsyz tasymaldaýshylar munaı ónimin tsement qaptarynyń arasyna jasyryp ótkizbek bolǵan.

Eki júk mashınasyn tekserý kezinde tsısternalardyń syrty aǵash úgindisi salynǵan qaptarmen jabylǵany anyqtaldy.

Taýar ilespe qujattar boıynsha «qurama» júk retinde rásimdelgen.

Ustalǵan janar-jaǵarmaı materıaldary Jambyl oblysy boıynsha Memlekettik kirister departamentine berildi.

Shekara qyzmeti qazirgi ýaqytta Qazaqstan Respýblıkasynyń aýmaǵynan benzındi, dızel otynyn jáne munaı ónimderiniń jekelegen túrlerin avtomobıl kóligimen áketýge tyıym salynatynyn eske salady.