Qyrǵyzstanǵa 55 tonna benzındi zańsyz ótkizbek bolǵandar ustaldy

NUR-SULTAN. QazAqparat – 55 tonna benzındi Qyrǵyzstan Respýblıkasyna zańsyz alyp ótpek bolǵan. Bul týraly QazAqparat Memlekettik kirister komıtetine silteme jasap habarlaıdy.

2021 jylǵy 10 maýsymda «Aısha bıbi» ótkizý pýnktinde Jambyl oblysy boıynsha MKD eksporttyq baqylaý basqarmasynyń laýazymdy tulǵalary, sondaı-aq QR UQK ShQ áskerı qyzmetshileri Qyrǵyz Respýblıkasyna benzındi zańsyz áketý faktisiniń jolyn kesti.

Jalpy sany 54,6 tonna «Kúrdeli suıyltqysh» taýary bar, Qyrǵyz nómirleri bar «DAF»» markaly avtokólik quraldary ustaldy, jóneltýshi-JShS Taraz qalasynda tirkelgen, alýshy Qyrǵyz Respýblıkasynyń jeke kásipkeri bolyp tabylady.

Avtokólik quraldary ustalǵannan keıin materıal Jambyl oblysy boıynsha Ekonomıkalyq tergeý departamentine jiberildi.

QR QM MKK ortalyq keden zerthanasyndaǵy fızıkalyq-hımııalyq zertteýler taýardyń taýarǵa ilespe qujattarda kórsetilgen taýarǵa sáıkes kelmeıtinin kórsetti.

Buzýshylar «suıyltqyshtyń» ornyna jalpy somasy 7 mln. teńgege AI-80 markaly benzındi shyǵarýǵa tyrysty.

«Qazirgi ýaqytta Jambyl oblysy boıynsha Ekonomıkalyq tergeý departamenti QR Qylmystyq kodeksiniń 197 - babynyń 3-bóligi (munaı jáne munaı ónimderin tasymaldaý, satyp alý, satý, saqtaý, sondaı-aq olardyń shyǵý zańdylyǵyn rastaıtyn qujattarsyz munaı óńdeý) boıynsha qylmystyq quqyq buzýshylyq jasady», - dep habarlady MKK.

Qylmystyq qýdalaý organy QR Zańnamasy aıasynda sotqa deıingi tergeý júrgizýde.