Qyrǵyzstanǵa 150 myń doza Qytaıdyń koronavırýs vaktsınasy jetkizildi

BІShKEK. QazAqparat – Qytaıdyń «SinoPfarm» kompanııasy ázirlegen COVID-19 vaktsınasynyń 150 myń dozasy Qyrǵyzstanǵa tegin berildi. «Manas» áýejaıyndaǵy gýmanıtarlyq kómekti qabyldap alý rásimine Qyrgyz Respýblıkasynyń Premer-mınıstri Ýlýkbek Marıpov katysty, dep habarlaıdy QazAqparat Kabar agenttigine silteme jasap.

«COVID-19 pandemııasy eshbir el vırýsqa qarsy ózi jalǵyz kúrese almaıtynyn dáleldedi. Qyrǵyz Respýblıkasy koronavırýs ınfektsııasyna qarsy ózi jeke jáne halyqaralyq seriktesterimen birlesip kúresedi. Epıdemıologııalyq kúrdeli ahýalǵa qaramastan Qytaı qyrǵyz halqyna aıtarlyqtaı gmýnaıtarlyq kómek kórsetýin jalǵastyryp keledi», - dedi Ýlýkbek Marıpov. Ol vırýsqa qarsy vaktsına jasaýdy qolǵa alǵan az eldiń qatarynda Qytaıdyń birshama jetistikke jetkenin málimdedi.

Qyrǵyz Respýblıkasyndaǵy QHR-dyń tótenshe jáne ókileti elshisi Dý Deven gýmanıtarlyq kómektiń mańyzdylyǵyn málim etti.

«Qytaı tarapynyń vaktsınany Qyrǵyzstanǵa aqysyz negizde berý týraly sheshimi eki eldiń dostyq nıetin bildirip, qyrǵyz-qytaı qarym-qatynasynyń joǵary deńgeıin jáne strategııalyq seriktes ekendigin kórsetedi. Vaktsınalar qyrǵyz tarapyna epıdemııaǵa qasry kúreste qyrǵyz halqynyń densaýlyǵy men qaýipsizdigin qamtamasyz etýge kómektesedi dep senemin», - dedi elshi.