Qyrǵyzstandaǵy otandastardyń 39,6 paıyzdy saılaýda daýys berdi

BІShKEK. QazAqparat - Bishkekte Qazaqstan Respýblıkasynyń saılaý týraly zańnamasyna sáıkes Qazaqstannyń Qyrǵyzstandaǵy Elshiliginde uıymdastyrylǵan №264 saılaý ýchaskesinde jergilikti ýaqyt boıynsha saǵat 20.00-de daýys berý aıaqtaldy, dep habarlaıdy QazAqparat tilshisi.

Saılaýshylardyń 39,6 paıyzy daýys berdi, dep habarlady Bishkektegi N264 saılaý ýchaskesindegi ýchaskelik komıssııa tóraǵasy Nurlan Ǵylmanov. QR Elshiligindegi saılaýshylar tizimi boıynsha 300 adam tirkelgen.

«Bishkektegi №264 saılaý ýchaskesine jergilikti ýaqyt boıynsha saǵat 20.00-de tirkelgen saılaýshylardan 119 qazaqstandyq daýys berýge keldi, bul kórsetkish 39,6 paıyzdy qurady. Daýystar sanalyp, bıýlletender resimdelip bolǵannan keıin sońǵy qorytyndy shyǵarylady», - dedi ýchaskelik saılaý komıssııasynyń tóraǵasy.

Qazaqstan Respýblıkasynyń Bishkek qalasyndaǵy dıplomatııalyq ókildiginde ýchaskelik komıssııa músheleri saılaý protsesin Qazaqstan Respýblıkasynyń zańnamasyna jáne halyqaralyq saılaý standarttarynyń talaptaryna sáıkes joǵary deńgeıde uıymdastyrǵanyn jáne saılaý ýchaskesiniń úzdiksiz jumysy qamtamasyz etilgenin atap ótý kerek.

Qyrǵyzstandaǵy Qazaqstan Respýblıkasy Parlamenti Májilisi depýtattaryn kezekten tys saılaýynda TMD Parlamentaralyq Assambleıasynyń halyqaralyq baıqaýshylary men «Bostandyq qanaty» qoǵamdyq qorynyń táýelsiz baıqaýshysy jumys isteýde.

Buǵan deıin N264 saılaý ýchaskesi Qyrǵyzstanda turatyn nemese ýaqytsha júrgen qazaqstandyqtardy kúndizgi ýaqytta qabyldaǵany habarlanǵan bolatyn. Olardyń arasynda qazaqstandyq dıplomattar men olardyń otbasy músheleri, halyqaralyq jáne jeke kompanııalardyń ókilderi, sonymen qatar osynda bilim alyp jatqan stýdentter bar.

Gúlmıra Ábdirahmanova