Qyrǵyzstanda veıpter men elektrondyq temekige tyıym salynýy múmkin

BІShKEK. QazAqparat – Qyrǵyzstanda azamattardyń densaýlyǵyn saqtaý, elektrondyq temekini jáne nıkotın jetkizýdiń elektrondyq júıelerin paıdalaný saldarynan týyndaıtyn aýrýlardy azaıtý maqsatynda depýtattar el aýmaǵynda paıdalanýǵa tyıym salýdy usynady. Tıisti zań jobasy qoǵamdyq talqylaýǵa shyǵaryldy, dep habarlaıdy QazAqparat menshikti tilshisi Qyrǵyzstan Jogorký Keneshiniń saıtyna silteme jasap.

Ózderińiz biletindeı, elektrondy temeki quramynda nıkotın men hosh ıistendirgishi bar aerozol túzedi. Hosh ıistendirgishterde ár túrli ıister bar, osylaısha ónimdi tartymdy etedi. Olar ýly bolady. Veıp nemese elektrondyq temeki aerozoly, ıaǵnı gazdaǵy bólshekterdiń sýspenzııasy kádimgi temeki sııaqty ókpede qysqa merzimdi qabyný reaktsııasyn týdyrady. Ingalıatsııalyq aerozol mıkrobólshekteri alveolalardy titirkendiredi jáne demikpe ustamasyn týdyrýy múmkin.
Elektrondyq temeki aerozolynyń saldary ımmýndyq júıeni tómendetedi jáne tumaý, COVID-19 jáne basqa da respıratorlyq aýrý qozdyrǵyshtaryna sezimtaldyqty arttyrady. Aerozol tamaq pen kózdi titirkendirip, jótel jáne bas aınalýy múmkin. Aerozol quramyndaǵy nıkotın arterııalardy taryltyp, onyń saldarynan ınfarkt bolýy múmkin.
Nıkotınsiz jáne quramynda nıkotıni bar elektrondyq temeki jáne nıkotındi jetkizýdiń elektrondyq júıeleri densaýlyqqa birdeı qaýipti, olardy uzaq ýaqyt paıdalanǵan kezde densaýlyqqa temeki sııaqty zııan keltiredi.