Qyrǵyzstanda ShYU sammıtin ótkizý kezinde turǵyndardan qarý-jaraqtar ýaqytsha alynady
19:12, 25 Qazan 2016
ASTANA. QazAqparat - Qyrǵyzstannyń ІІM ShYU sammıtin ótkizý kezinde halyqtan oqdárimen atylatyn qarý-jaraqtaryn jınaıdy, dep habarlaıdy «QazAqparattyń» Bishkektegi menshikti tilshisi.
QR ІІM baspasóz qyzmetiniń málimetinshe, atalǵan shara 30 qazan men 8 qarasha aralyǵynda júzege asady, odan keıin zańdy ıelerine qaıtarylady. Mınıstrlik qarýdy alý «Memlekettik kúzet qyzmeti» týraly zańǵa sáıkes júzege asatynyn aıtty. Sonymen qatar, ózge de endiriletin shekteýlerge túsinistikpen qaraýǵa shaqyrdy.
2016 jyldyń 2-3 qarasha kúnderi Shanhaı Yntymaqtastyq Uıymyna múshe elderdiń memleket basshylary qatysatyn kezekti otyrysy ótedi. Munda uıymǵa múshe elderdiń arasyndaǵy yntamaqtastyqty keńeıtý týraly mańyzdy suraqtar talqylanady.