Qyrǵyzstanda Shyńǵys Aıtmatovtyń ómiri men shyǵarmashylyǵyna arnalǵan kitap shyqty

BІShKEK. QazAqparat - Qyrǵyzstanda Sh.Aıtmatovtyń ómiri men shyǵarmashylyǵyna arnalǵan «Shyńǵys Aıtmatov: ómir súr jáne este saqta» kitabynyń tanystyrylymy ótti, dep habarlady Qyrǵyzstannyń Ulttyq ǵylym akademııasy.

Kitap avtory - Qyrǵyzstannyń Ulttyq ǵylym akademııasynyń akademıgi Abdyldajan Akmatalıev. Ol Shyńǵys Aıtmatovpen dos bolǵandyqtan, kóptegen jazbalarynyń paıda bolýyna kýá boldy.

«Birde Shyńǵys Aıtmatov qar barystarynyń ómiri jaıly jaqsy biletin ańshylardy tabýdy suraǵan. Keıin, Aıtmatov óziniń sońǵy «Taýlar qulaǵanda» romanyn jazdy», - dedi A.Akmatalıev.

Sh. Aıtmatov Akmatalıevke «Ýmen sýarylǵan gúlder» feletonyn tabystap ketken. Ǵalym ony saqtap júr.

Basylmaı, qoljazba túrinde qalǵan taǵy bir shyǵarmasy - «Fleıta men jer» uly Asqar Aıtmatovtyń úıinen tabyldy.