Qyrǵyzstanda sheteldikter úshin oıyn oryndaryn ashýǵa ruqsat etildi

BІShKEK. QazAqparat – Qyrǵyzstan Respýblıkasynyń mınıstrler kabıneti oıyn qyzmetin retteý týraly ereje jobasyn ázirledi, dep habarlaıdy QazAqparat Qyrǵyzstan Respýblıkasy mınıstrler kabınetiniń saıtyna silteme jasap.

Qujatqa sáıkes, elde kazıno, oıyn avtomattary zaly, býkmekerlik keńse, totalızator, onlaın jáne elektrondy (vırtýaldy) kazıno qyzmetine ruqsat etilgen. Osyndaı árbir mekemeniń ashylýy jáne resmı jumys isteýi úshin oıyn qyzmetin júzege asyrý quqyǵyn beretin lıtsenzııany alǵan kúnnen bastap 10 jyl merzimge beriletin ruqsat alý qajet bolady.

Oıyndarǵa Qyrǵyzstan azamattary, 21 jasqa tolmaǵan, sondaı-aq qabileti joq shetel azamattarynyń qatysýyna tyıym salynady.

Oıyn mekemeleriniń klıentterine alkogoldik mas kúıinde oınaýǵa ruqsat etilmeıdi, oıyn mekemesiniń ruqsatynsyz kınoǵa, sýretke, beınege túsirýge, sondaı-aq oıyn mekemesiniń qyzmet kórsetý aımaǵyna kirýge tyıym salynady.

Qyrǵyzstandaǵy oıyn mekemeleriniń jumysyn Qarjy naryǵyn retteý jáne qadaǵalaý qyzmeti retteıtin bolady.

Foto: images.pexels.com