Qyrǵyzstanda saılaý ótip jatyr

BІShKEK. Kabar – QazAqparat– Qyzǵyzstanda búgin, 28 qarashada Jogorký Kenesh depýtattar saılaýy bastaldy, dep habarlaıdy QazAqparat Kabarǵa silteme jasap.

OSK ókili Nurjan Shaıldabekovanyń málimetinshe, Jogorký Keneshtiń jańa quramy 90 depýtattan turady jáne aralas saılaý júıesi boıynsha 5 jylǵa saılanady. Osylaısha, Jogorký Keneshtiń 54 depýtaty proportsıonaldyq júıemen (saıası partııa kandıdattarynyń ashyq tizimi boıynsha), 36 depýtat bir mandattyq saılaý okrýginde majorıtarlyq júıemen saılanady
OSK ókili Nurjan Shaıldabekova elde 2435 saılaý ýchaskesiniń ashylǵanyn aıtty. Shetelde 59 saılaý ýchaskesi jumys istep jatyr.
«Barlyq saılaý ýchaskeleri qajetti qural-jabdyqpen jáne materıaldarmen jabdyqtalǵan. Ýchaskelerde bıýlleten sany da jeterlik», - dedi ol.
Onyń aıtýynsha, OSK daýys berý protsesin baqylaý úshin 736 halyqaralyq baqylaýshy tirkeýden ótken.

Eske salsaq, Qyrǵyzstandaǵy parlament saılaýyna 21 partııa qatysyp jatyr.