Qyrǵyzstanda ótetin Túrki keńesiniń VI sammıtine daıyndyq máselesi talqylandy - Túrki akademııasy
23:49, 18 Aqpan 2016
ASTANA. QazAqparat - Búgin Ystanbulda Túrki akademııasy halyqaralyq uıymynyń basshysy Darhan Qydyráli bastaǵan akademııa delegatsııasy Túrki keńesi Joǵary laýazymdy tulǵalar komıtetiniń 18-shi otyrysyna qatysýda, dep habarlaıdy akademııanyń baspasóz qyzmeti.
Alqaly basqosýda 2016 jyly Qyrǵyzstanda ótetin Túrki keńesiniń VI sammıtine daıyndyq máseleleri men Túrki akademııasynyń halyqaralyq uıym retindegi jumysyn aıqyndaı túsetin birqatar qujattar qaralýda. Sondaı-aq, kún tártibine basqa da taqyryptar qoıylǵan.
Óz kezeginde sóz alǵan D.Qydyráli akademııanyń jýyrda atqarǵan sharalary men keleshekke josparlanǵan jobalary jaıynda áńgimelep berdi. Sonymen qatar, akademııa Túrki keńesiniń VI sammıtin uıymdastyrý jumystaryna ázir ekenin bildirdi.